Xixón va aprobar la ordenanza d'usu del asturianu

"Xixón va tener ordenances d'usu del asturianu, una midida que llevaba allancada dende que se propunxere yá nel añu 2004. L'anuncia adelantábala ayeri'l diariu La Voz de Asturias, qu'esplicaba como'l conceyal de cultura asturiana y política llingüística, Jesús Montes Estrada “Churruca” (IX-BA-LV) comprometiera l'aprobación en plenu del documentu pa esti branu dempués d'una reunión de la comisión que mira pol cumplimientu del pautu de gobiernu ente socialistes y IX-BA-LV. Xunto cola aprobación de les ordenances, Xixón va remocicar tola rotulación del conceyu y tola señalización autonómica o estatal que nun s’adapte al espediente toponímicu del conceyu, que ta aprobáu dende'l 10 de marzu del 2007. Otre midíes de defensa del asturianu que se llevaríen alantre esti mesmu añu van ser una campaña pa comunicar a tol personal llaboral del Conceyu la toponimia oficial nueva , una midida acompañada d'un plan formativu, la rotulación n’asturianu de les dependencies municipales, l’usu y presencia del asturianu nos actos oficiales del ayuntamientu y una edición billingüe completa de la Gaceta de Xixón y de la páxina web. Otra de les midíes complementaries va ser la d’acutar una de les cuatro frecuencies a les que tien derechu l’ayuntamientu dientro de la Televisión Dixital Terrestre, pa una hipotética canal qu’emita n’asturianu."