El Garrapiellu organiza una conferencia sobre los texos

"La rellación ente la lliteratura y la mina, la presencia del texu na cultura tradicional asturiana y la bioloxía de la conservación van ser oxetu d'interesantes conferencies en Xixón y Uviéu esti xueves 31 de xineru. A les 19:30 hores, nel Atenéu Obreru de Xixón, asitiáu na cai Cuadonga, 7 1º izquierda, la Tertulia Cultural El Garrapiellu tien programada la charra ""La cultura'l texu, esplendor y decadencia d'un patrimoniu esencial"" que va poner el naturalista Ignacio Abella, collaborador de les revistes Integral, Cuerpo Mente y que tien escritos llibros como ""El Hombre y la Madera"", ""La Magia de los Árboles"" y ""La Memoria del Bosque"". D'otra manera, tamién en Xixón y esti mesmu xueves, pero nel Centru Cultural Antiguu institutu y dende les 8 de la tarde, el doctor en lliteratura Benigno Delmiro Coto va falar del papel de la mina na lliteratura asturiana. La charra de Delmiro Coto enxértase nos actos de la XII selmana cultural del Aula Popular Jose Luis García Rúa. N'Uviéu el biólogu del CSIC Miguel Delibes de Castro va facer dende les 7 y media nel Edificiu históricu de la Universidá les sos ""reflexones sobre la bioloxía de la conservación"" .Ver más propuestes na nuestra Axenda d'Ociu."