Diego Pangua ta preparando discu

Ta acabando'l procesu grabación del discu del ganador del Macallan del añu 2000 Diego Pangua. Un discu qu'empezó cola idea de que fuera'l típicu discu de gaita y tambor de la forma más tradicional, pero poco a poco empezaron a salir posibilidades de dir amestando a les pieces igues y instrumentación.La principal baza d'esti trabayu ye la calidá d'esti gaiteru, de solo 18 años, qu'en 4 años tocando la gaita lleva una carrera de plasmu, ganando un Macallan a los 17 años y perteneciendo agora al grupu Felpeyu.
Nesta grabación tan collaborando músicos del folc como Igor Medio (bouzouki) , Xuan Nel Espósito (cordión), Carlos Redondo (baxu) de Felpeyu, Belinda Álvarez (vigulín), la tonada tamién va tener un espaciu con Ismael Tomas, y pa da-y un toque más atrevíu tamién collaboren Alberto Rionda, guitarrista d'Avallanch, y el propiu productor del discu, Ramón Prada que va amestar unes programaciones. La llista de collaboradores ye más llarga, pero ente ella destaca la del so propiu padre, Pedro Pangua, gaiteru asturianu, que nesti casu va participar tocando percusiones asturianes.
Como ya paso col caberu discu de Mariluz Cristobal, repítese la idea de da-yos a los discos de música tradicional un toque de modernidá, sin falta de que la música tradicional asturiana dexe de ser la protagonista.