La IBM dexa los ordenadores

Suena como si la Bayer dexare de facer aspirines, pero ye cierto. La casa IBM, que foi la primera en fabricar ordenadores personales, dexa'l negociu porque diz que yá nun-y trae cuenta. L'anuncia salió ayeri nel Wall Street Journal. D'equí a dientro tres años, la multinacional americana seguirá col diseñu y desarrollu de los ordenadores, pero subcontratará la fabricación de los aparatos cola casa Sanmina-SCI, que queda col control de les fábriques de la IBM. La IBM, de cualquier manera, sigue faciendo ordenadores portátiles, colos que sí gana perres. El Wall Street Journal diz que la cotización d'IBM baxó por culpa de nun poder igualar los costes de la so competidora Dell Computers.