Agricultura privatiza'l saneamientu ganaderu

Va dos meses, Asturies.com recoyía la noticia de que la Conseyería de Mediu Rural contaba con subcontratar les campañes de saneamientu ganaderu a través de la empresa Tragsatec, cuando hasta agora siempre contrató ella a los veterinarios que-y facíen falta. El pleitu que-y ganaron a Mediu Rural los profesionales, que llevaben bien d'ellos trabayando más de diez años pa la Conseyería, nun sirvió pa que se retirare'l plan de privatizar el serviciu. Tragsatec siguió cola campaña, y asina'l mes pasáu, el tableru d'anuncies del Colexu de Veterinarios de Llión recoyía esta anuncia pidiendo currícula. Agora, la Conseyería va tener que paga-yos a los veterinarios, colos que quedó reconocío énte'l tribunal que tenía rellación llaboral, y tamién va tener que pagar a la empresa privada Tragsatec pola campaña del 2.002, que va sali-yos más cara que como veníen faciéndola hasta agora. Anque cueste más, nun ta claro que Tragsatec, que fai güei una selección de personal nel Auditoriu d'Uviéu, vaya facer una campaña meyor. La revista Ecos del Occidente tien esti artículu d'opinión sobre la tema.