Migoya promete banda ancho universal pal añu 2012

La conseyera d'Alministración Pública y portavoz del Gobiernu, Ana Rosa Migoya, anunció ayeri que nel 2012 tolos asturianos van tener accesu a Internet de banda ancho, y que l'Executivu va centrar tolos sos esfuerzos n'integrar a la sociedá de la información a inmigrantes, muyeres y xente mayor. Con motivu del pieslle del programa E-Asturias 2007, nel que participen representantes del sector públicu y priváu y qu'agora va sustituyir un plan nuevu 2008-2012 Migoya adelantó que'l plan 2012 tien como oxetivu igualar a los ciudadanos independientemente del llugar onde residan, acordies col plan nacional Avanza y l'européu e-Europe.