Nuevu llibru de Miguel Rojo

Miguel Rojo, escritor de llibros de tan bon recuerdu comoBuscador d´estrel.las ya Histories d´un seductor, torna a la actualidá lliteraria col so nuevu poemariu Bilbao: estación terminal (editorial Ámbitu). Tratáse d`un nuevu poemariu que se desarrolla en parte na ciudá de Bilbao anque l´autor esclaria tamién que "Bilbao pue ser cualquier ciudá del mundu".Al contrario que nel so anterior poemariu Buscador d´estrel.las, ésti tíñese de mayor pesimismu y desencantu dientro siempre de la semeyanza ente dambos llibros. Como diz el propiu Miguel Rojo "Más que la continuación ye como la otra cara de la mesma moneda".Escritor en castellanu y asturianu, bien pue dicise que Rojo ye d´esos pocos escritores asturianos que vienden. Prueba d´ello ye la inminente publicación en castellanu de la so perfamosa novela Histories d´un seductor. Ye, en fin, ún d´esos puntos de referencia de la lliteratura actual. Nel web d'escritores asturianos d'Araz tienes la biografía d'esti escritor nacíu en Tinéu en 1957 y que ye de los pocos escritores asturianos llevaos al cine.