Areces empondera la devolución de los 400 euros

"El presidente asturianu Vicente Álvarez Areces, esplicó ayeri que la propuesta del xefe del Executivu, José Luis Rodríguez Zapatero, de devolver 400 euros a tolos contribuyentes trátase del ""entamu"" d'un cambéu ""más fondu"" del IRPF. Areces defendió qu'esta midida nun va afectar a les inversiones previstes pol Gobiernu y recordó que se trata d'una iniciativa ""inductora del consumu"". Nuna intervención nel Foru de la Nueva Economía, Areces esplicó que la devolución de 400 euros a tolos españoles que declaren l'IRPF va tener repercusión en ""una parte del superávit, pero defendió qu'estos 5.000 millones d'euros nun van suponer en nengún mou ""una reducción"" de los recrusos que l'Estáu tien comprometíos colos territorios. D'esta manera, indicó qu'esta midida ""con carácter redistribuidor"" va beneficiar a los sectores ""más febles"" y a les rentes más baxes ""qu'hasta dexaríen de declarar IRPF"". """"Interésanos un Gobiernu fuerte que redistribuya los recursos que faen falta pa exercer la solidaridá"", aseguró Areces, que defendió'l crecimientu de la economía española y recordó que muestra ""solidez"" pese a les ""inseguridaes"" qu'aporta la globalilzación. N'Asturies, esplicó Areces, ""tou fai prever"" que la economía pue crecer esti añu ""penriba del crecimientu mediu español"". Amás, pidió que se preste atención al sector inmobiliariu y manifestó la so apuesta pola vivienda protexida, ya que, según recordó, ""nun hai nengún datu que diga que vaya cayer la demanda de vivienda protexida"".

Al so xuiciu, ye necesario ""reorientar a la demanda"" y mostróse tranquilu pol futuru y si se continúa con una política ""dando seguridá y planificando'l futuru ensin grandes tirones"". ""Toi convencíu de que podemos aguantar perfectamente la inseguridá, que nesti momentu nun ta demostráu que tea nel senu de la nuesa economía --continuó--. Tamos preparaos pa que'l crecimientu y la creación d'emplegu puean sostenese"". Na so intervención inicial, la que foi la ministra d'Alministraciones Públiques, Elena Salgado, Areces esplicó qu'Asturies ye una comunidá ""que crez a bon ritmu, ye dinámica, segura y tien futuru"" y relató los ""cambios"" que sufrió na última década y los ""retos"" que sin embargo tovía tienen pendientes. Amás, destacó especialmente la ""superación del aislamientu"" de la comunidá y aseguró que l'autovía transcantábrica va tar acabada esta llexislatura. ""La superación del aislamientu tradicional d'Asturies nun ye sólo cosa del mundiu virtual, güei ye incuestionable que l'aislamientu d'Asturies ye cosa del pasáu --argumentó--. Toles grandes infraestructures de comunicación tienen la so execución y financiación comprometida, al final de la llexislatura autonómica Asturies va contar con eficientes infraestructures pa conectar col restu d'España""."