Discos de Guxán de Lluz y Ástura

Dos cd's nuevos acaben d'apaecer. Son Guxán de Lluz y Ástura, dos bandes qu'anque s'estrenen nel mercáu con estos trabayos, yá lleven tiempu tocando per Asturies.Guxán de Lluz son un grupu que salió de la Escuela de Música de Llanera, y que con esti "Nel mar del norte" editáu por Grabaciones Pola, faen la so presentación definitiva nel panorama musical asturianu, dempués de tar "fogueandose" peles nueches folc d'Asturies.La música tradicional ye la protagonista d'esti discu de doce pieces, tanto pol estilu , como pola procedencia de les mesmes, ya que por exemplu cinco temes son compuestos. Cuenten con poder presentar el discu'l 18 de xineru na escuela de música tradicional de Llanera y el 27 nel teatru Campoamor d 'Uviéu.La otra propuesta ye de la Orquestina Ástura, qu'editen "Tradición" cola casa "Editora Discográfica del Principado".Anque seya'l so primer discu, nesta banda tan músicos que lleven munchu tiempu n'estremaes formaciones como son Alberto Varillas (gaites), Manuel Cordero (percusión), Marga Logares (cordión) y Michael Lee Wolf. Un discu, que como ellos mesmos dicen, bien pudo grabase durante una espicha, porque son 28 temes que van enllazaos ente cantares y bailles.
Dos discos qu'acaben de facer la riestra -bien llarga- que tien pa escoyer l'aficionáu asturianu pa estes navidaes.