Mengua la esportación

La Sociedá Asturiana d'Estudios Industriales (SADEI) ta acabante d'espublizar l'informe de coyuntura p'Asturies correspondiente al mes d'ochobre. L'informe diz que la economía asturiana acusa la crisis mundial, anque menos de lo que s'esperaba. De cualquier manera, ello nun ye a tapecer el fechu de que les esportaciones d'Asturies al esterior menguaron, nel interanual ochobre 2000 - 2001 un 4,5%, mientres que les importaciones xubieron el 8,8%. Nel emplegu, l'informe fala d'una situación bonancible, pero tampoco nun escuende que lo que baxó'l paru foi más gracies a la mengua de población activo pola emigración que pola creación d'emplegu. D'otra parte, l'informe apurre tamién un datu simpáticu: conozse que llega l'euru, y muncha xente ta sacando el dinero negro que tien axuntao, resultando que la matriculación de coches xubió el 10,3% lo nunca visto nun añu que taba siendo malu pa la industria del automóvil.