El 29 hai partíu

La Federación Asturiana de Fútbol tien mui claro qu'Arxelia nun va venir el prósimu día 29 d'Avientu a xugar contra la selección asturiana de fútbol, pero tamién aseguró na rueda de prensa que va haber partíu'l prósimu día 29 nel Molinón. . En rueda de prensa, el vicepresidente de la FAF esplicó que l'otru día avisáronlos de que nun portal de deportes arxelín salía qu'Arxelia diba xugar el 29 d'avientu contra Senegal, y non contra Asturies. Ello foi que'l nuevu director de la Federación Arxelina, Mohamed Raouraoura, puestu nel cargu pol ministru de deportes, canceló tolos compromisos qu'apautare la directiva vieya. Dende esi momentu, la Federación Asturiana intentó falar colos arxelinos, que nunca nun respondieron los faxes que-yos mandaron. La FIFA, la FAF y la RFEF anden agora tres los responsables de la Federación Arxelina, que tendrán d'asumir les responsabilidaes que-yos correspuendan por incumplir lo que taba llegalmente contratao. De cualquier manera, ello nun quier dicir que nun haya partíu. La FAF nun quixo esclariar con quien anda en tratos, pero aseguró que tan falando con cuatro o cinco selecciones, delles con más nivel qu'Arxelia. Mañana o'l domingu a más tardar sabrase quien ye'l rival d'Asturies, porque'l 29 hai partíu de xuro. Esi foi'l mensaxe qu'en tou momentu quixeron dar tanto la FAF como'l Director de Deportes del Principáu Daniel Gutierrez Granda.Pa demostrar que los preparativos del partíu siguen con tola normalidá, el seleccionador asturianu, Jose Manuel Novoa, apurrió tamién la llista de convocaos pal partíu del 29-12-2001 n'El Molinón:Osasuna: ManoloTenerife: Julio Iglesias (porteru) Javi Venta, Manel, Iván AniaBetis: CastañoCoruña: César y Jose ManuelRacing de Santander: SietesSporting: Isma, Pablo Álvarez y VillaZaragoza: JuaneleSevilla: MarioLas Palmas: Pablo LagoVillarreal: Quique Martín