Llegó'l discu de Mariluz Cristobal Caunedo

Ya ta na cai'l discu en solitariu de Mariluz Cristobal Caunedo, lo que ye una mui bona noticia pa los aficionaos a la tonada asturiana; non solo por poder escuchar la voz d'esta cantante, sinon porque esti discu representa tamién una novedá nel tratamientu musical de la tonada.La so producción, asina como la interpretación de les pieces son daqué refrescante pa los aficionaos a la tonada. Esta forma mas abierta d'entender la canción asturiana, que pudo tener el so aniciu nos discos de Lliberdón, qu'incluyíen pieces como Texedora de Bayu o La Facienda, situase agora nun momentu interesante. Esti discu, espublizáu pola discográfica Fonoastur, cuenta con ventiún temes ente los que tan munchos de los que Mariluz lleva cantando per Asturies dende hai tantu tiempu: La Facienda, Debaxo D'Una Panera, Coyí d'un Artu una Flor, Al Pasar pel Puertu, Arboleda Plantada...etc, pero queden enriquecíos con collaboraciones como Ramón Prada, Xel Pereda, Elias García, Simon Bradley, Marcos Llope, Vicente Prado " El Pravianu", Horacio Huerta...etc. Si se quier empezar a descubrir la tonada esti ye un discu mui afechiscu, y ye absolutamente imprescindible pa los aficionaos más de vieyo.