Llamazares quier volver a falar cola FSA primero de les elecciones

El coordinador xeneral d'Izquierda Xunida, Gaspar Llamazares, participó ayeri nun actu políticu n'Asturies. El líder políticu encamentó a los responsables de la FSA a recuperar el diálogu cola so formación "ensin facer esperar a los ciudadanos" pa llograr un gobiernu estable" y nun tener que siguir prorrogando presupuestos.

Llamazares dio'l preste a la decisión d'IX d'Asturies de nun votar a favor de la propuesta de presupuestos que presentare l'executivu socialista en cuantes que-y parez qu'esta postura nun va tener coste en votos pa la so formación. En cuenta d'ello, pa Llamazares, IX actuó con "coherencia" contra la imposición de los socialistes, a los que-yos pidió qu'aclarien si "prefieren la estabilidá y el xiru a la izquierda o'l siguir asitiaos na prepotencia y a los qu'acusó de "xenerar inestabilidá política al querer imponese en minoría". Por ello, el políticu albidró un bon resultáu pa la so formación nes xenerales del 9 de marzu, onde Laura González va encabezar la llista asturiana d'IX-BA-LV.