La FSA enfótase nuna lista continuista na qu'inxerta a José Manuel Cuervo pal Senáu

Los socialistes asturianos decidieron que'l diputáu Álvaro Cuesta vuelva a encabezar la llista del PSOE por Asturies de cara a les próximes elecciones xenerales que van celebrase'l 9 de marzu del 2008. Asina lo alcordó'l comité estaordinariu de la FSA-PSOE celebráu en Xixón, quien tamién aprobó les llistes del Senáu y les de los delegaos que van participar na Conferencia Política de xineru.

Na rueda de prensa posterior al Comité, el secretariu xeneral de FSA-PSOE, Javier Fernández, mostró la so satisfacción pol fechu de que se probara la propuesta realizada pola Executiva. Destacó la incorporación del ex alcalde de Cangas del Narcea, José Manuel Cuervo na llista del Senáu.

La llista al Congresu, por orde, fórmenla Álvaro Cuesta, María Luisa Carcedo, Celestino Suárez, Mariví Monteserín, Hugo Alfonso Morán, Vanesa González, Adrián Bargón y Consuelo Antuña. Como suplentes tán Rosa María Cañizares, María Carmen Bustillo y Ricardo Suárez. Aprobóse con 118 votos y 10 en blanco.

Pela so parte los integrantes de la llista al Congresu son José Antonio Alonso, José Manuel Cuervo y Carmen Sanjurjo. Como suplentes Diana González, José Luis Menéndez y Rosa María Rodríguez. Aprobóse por 119 votos a favor y 9 en blanco.