Campaña de normalización nel comerciu en Mieres

El Conceyu de Mieres echó a andar con motivu de les fiestes de navidá una nueva campaña en collaboración cola Asociación de Comerciantes del Caudal (ACC) pa normalizar la llingua asturiana nos comercios. La conceyala de cultura Diana González esplicó que más de 400 tiendes y chigres de Mieres van participar nesta iniciativa, continuación de la que yá se fixera l'añu pasáu y que consiste nel repartu d'una serie lletreros n'asturianu con espresiones d'usu común nos comercios, casu de "Acutao" "Pesllao" "teléfonu" o los indicadores de los servicios pa homes y muyeres y que van repartise pelos comercios Pa recoyer los materiales de la campaña, los comercios interesaos tamién puen pidilos a l'Asociación de Comerciantes o a la Casa de Cultura Teodoro Cuesta de Mieres.