Asturies ye la comunidá coles carreteres más peligroses

El 11% de les carreteres españoles presenten tramos con un nivel de peligru d'accidentes de tráficu altu o mediu-altu, mientres que'l 63% de los tramos tienen una peligrosidá baxa o media baxa, según recueye un informe realizáu pol Real Automóvil Club d'España (RACE), nel que s'analiza la siniestrlidá y el peligru de la Rede De Carreteres n'España. Por comunidaes, Asturies ye la más peligrosa d'España al contar con un 25% de los sos tramos con un índiz de riesgu eleváu, per delantre d'Aragón, que tien un 19%, mientres que Madrid ye la Comunidá Autónoma con un mayor porcentaxe de puntos con riesgu baxu, con un 94%.


El coordinador de Seguridá Vial del RACE, Antonio Lucas, indicó na presentación del estudiu, qu'esti informe analizó 13.271 accidentes con víctimes mortales y graves ocurríos en más de 20.600 kilómetros nel periodu comprendíu ente'l 2004 y el 2006.
Asina, en comparanza col informe presentáu'l pasáu añu sobre la siniestralidá nes carretres españoles, se recueye que nel presente exerciciu caltiénse el mesmu númberu de tramos de peligru altu, que na actualidá son 10 'puntos negros'.


Énte esta situación, Lucas consideró "preocupante que'l tramu más peligrosu'l mesmu que nel 2006 y que nun se ficiera nada per parte de les alministraciones pa solucionalo". Al mesmu tiempu, relató la importancia que tienen les infraestructures a hora de reducir la cantidá y la gravedá de los accidentes.
D'esta manera, sorrayó que la finalidá cola que s'ellaboraron esti informe ye la de ser "una fueya de ruta de les autoridaes pa que tomen midíes". "Paez que Fomento tien otroes prioridaes como acabar les obres del AVE en llugar de reducir los puntos negros", añadió.
El documentu muestra que'l perfil tipu de nivel de riesgu eleváu d'accidentes ye una carretera convencional de calzada que cuenta con cruces al mesmu nivel y que tenga una circulación de menos de 10.000 vehículos al día. La mayor parte de los accidentes se produz por salíes de vía o nos cruces.


Per otru llau, Lucas esplicó que por tercer añu consecutivu'l tramu de la N-340 ente les provincies de Murcia y Alicante "ye'l más peligrosu d'España" y qu'ente los diez con peligru mediu altu d'accidentes se repiten otros tres tramos en comparanza col estudiu del 2006.

Per otra parte, el documentu analizó l'accidentalidá de los usuarios de motocicletes y la so relación colos tramos de la Rede de Carreteres Españoles. Asina, los datos espeyen que los vehículos de dos ruedes representen el 12% de los accidentes graves y mortales nel país, dos puntos porcentuales más que nel 2006.
Ante estos datos, el coordinador de Seguridá Vial del RACE indicó que nesti momentu "sólo 20 tramos de la Rede de Carreteres del Estáu se produz el 20% de los accidentes graves o mortales de motociclistes".