Xosé Lluis García Arias presenta’l so segundu volume de propuestes etimolóxiques

L'Academia de la Llingua Asturiana presenta'l volume "propuestes etimolóxiques 2" obra del profesor de la Universidá d'Uviéu Xosé Lluis García Arias que quier ser un allargamientu de los conteníos del Diccionariu Etimolóxicu de la llingua Asturiana" del mesmu autor. La obra estudia, per orde alfabéticu, a lo llargo de cerca de 500 páxines, delles palabres entesacaes de los materiales del léxicu de la llingua.

Nel añu 2000 García Arias asoleyare'l primer volume de "propuestes etimolóxiques" nel que recoyía una riestra de trabayos, en castellanu y n'asturianu, fechos ente 1975 y 2000 nos qu'estudiaba cuestiones etimolóxiques. L'autor anuncia que tien otros dos trabayos en preparación.