"El orfanato" rodada n'Asturies, favorita nos premios Goya

La película 'El Orfanato', de Juan Antonio Bayona, rodada n'Asturies y con guion del asturianu Sergio Sánchez, ye la que más nominaciones tien a los Premios Goya del cine español xunto cola cinta '13 rosas', d'Emilio Martínez Lázaro, con 14 nominaciones caúna. Dambes opten ente otres, a la meyor película y al meyor guión, seún se dio a conocer güei nun actu nel que tuvo presente la directora de l'Academia de Cine, Ángeles González Sinde. El fallu foi lleíu polos actores Juan Diego Botto y Ivana Baquero.

'7 mesas de billar francés', de Gracia Querejeta, algamó siete nominaciones, ente elles la de meyor directora, meyor película y meyores actrices, principal y secundaria: Maribel Verdú y Blanca Portillo, respectivamente.