Julio Concepción presenta un diccionariu etimolóxicu de la toponimia d'Asturies

El doctor en filoloxía y miembru del Real Insititutu d'Estudios Asturianos (RIDEA) Julio Concepción Suárez presenta estos díes la so obra "Diccionariu etimolóxicu de toponimia asturiana" qu'asoleya la casa KRK. Nel llibru l'autor analiza l'orixe y significáu de más 35.000 topónimos, distribuyíos en 6.500 entraes de diccionariu que tomen más de 1.300 páxines.
Julio Concepción,que tien bien del so trabayu disponible na so páxina web, ye tamién autor d'otrs obres como'l Diccionariu toponímicu de la montaña asturiana o "Por las montañas de Lena".