El País d’Adolfo Camilo Díaz represéntase en Mieres

El Centru Cultural Caxastur asitiáu na cai Jerónimo Ibrán 10 de Mieres va acoyer esti miércoles 5 d'avientu dende les 20:00h la representación de la obra n'asturianu "País" de la que ye autor Adolfo Camilo Díaz. La compañía Teatro Casona ye la responsable de la escenificación, que preparó Andrés Presumido, mientres que los papeles protagonistes van repartise ente Xuan Coll, Isabel Friera y Carmen Gloria García.

Estrenada nel 2006 nel Teatru Palacio Valdés d'Avilés, "País" tien por protagonista a un sindicalista mineru arquetípicu de los peores comportamientos machistes violentos y babayos que revive n'alcordanza de les persones qu'asisten al so veloriu. El mesmu autor define la obra como una traxicomedia qu'apurre una visión de la nuestra manera de ser como "conclusión d'una educación y d'una cultura esclariada pola rudez de les xeres y col telón de fondu d'un de los trabayos más dignos, el de mineru". Más ociu na nuestra axenda.