Jesús Iglesias y Rafael Palacios critiquen la postura de la FSA col asturianu

El coordinador d'IX y diputáu na Xunta Xeneral Jesús Iglesias, calificó la postura de los líderes de la FSA-PSOE d'oposición a la oficialidá del asturianu como "rancia" y acusó a la FSA de querer "disecar" la propuesta de la oficialidá. Pal dirixente d'IX la reivindicación de la oficialidá del asturianu ye simplemente un reconocimientu "políticu" y "real" que los ciudadanos "tienen más claro que los sos responsables políticos". Pela so parte, el portavoz de Bloque por Asturies Rafael Palacios acusó a los socialistes de negar n'Asturies lo que se concede n'otres comunidaes en materia de reconocimientu al idioma, "faciendo d'Asturies una autonomía de tercera".