Paula Pulgar estrénase na lliteratura infantil

La Casa de la Cultura de La Pola L.lena va acoyer esti vienres, a partir de les seis y media de la tarde, l'actu de presentación del llibru "Primeres Aventures de Pulgu y Yolín" obra empobinada al públicu infantil y del que ye autora Paula Pulgar Alvés.

Nel actu va participar l'autora acompañada pola filóloga y técnica del Serviciu de Normalización Llingüística de L.lena, Penélope Miranda y pol responsable de la coleición "Llingua de Trasgu" Enrique Carballeira de la casa editorial Asturtoons, que decribe estes
"Primeres aventures de Pulgu y Yolín" como una historia ilustrada pa neños (o pa mayores con ganes de pasalo bien) que cunta la situación que tien llugar nuna casa onde vive yá un perru, cola llegada del segundu. Los problemes qu'apaecen ente los animales tienen, por suerte, un bon final.

El llibru ta ilustráu pola artista Sonia Díaz.