Los sindicatos d'enseñanza piden que s'abra la mesa de negociación

Trés de los sindicatos mayoritarios de la enseñanza asturiana, SUATEA, CC.OO. y CSI-CSIF tienen convocada pa esti miércoles 28 de payares una concentración énte la Conseyería d'Educación, asitiada na Plaza España d''Uviéu. Nesta concentración, que va entamar a les 6 de la tarde, los sindicatos van reclamar, otra vegada más dempués de sucesives peticiones, que la Conseyería abra negociaciones directes colos sindicatos sobre una serie d'asuntos ente los que figuren el concursu de tresllaos, la ufierta d'emplegu públicu o'l futuru de la carrera profesional.

Los sindicatos, que denuncien que'l departamentu que dirixe José Luis Iglesias Riopedre "niégase a abrir los calces negociadores" aseguren que la situación asturiana rescampla cuando se compara cola de la inmensa mayoría de les CCAA onde diz que funcionen meses sectoriales d'educación con total normalidá. La concentración va tener llugar pocos díes enantes de que l'asuntu llegue a la Xunta Xeneral del Principáu, onde esti vienres los grupos parlamentarios d'IX y PP van presentar iniciatives pidiéndo-y al gobiernu a la convocatoria urxente d'esta mesa sectorial.