L’alcalde de Cuideiru va a xuiciu esta selmana

El Xulgáu de lo Penal d'Avilés va ser l'escenariu del xuiciu contra l'Alcalde de Cuideiru, Francisco González acusáu d'un delitu de prevaricación na ordenación del territoriu por autorizar la construcción de pisos na zona de El Pitu. L'acusación particular pide un añu de cárcele y ocho d'inhabilitación y la defensa la llibre absolución, mientres que'l ministeriu fiscal nun presenta acusación.

El xuiciu al alcalde vien por una llicencia urbanística otorgada nel añu 2002 pa construyir un edificiu con 24 viviendes y dellos locales en terrenos n'El Pitu que, al dicir de l'acusación, taben calificaos de zona rural . La defensa pide la llibre absolución en cuantes que la llicencia tiense nun informe del arquitectu del conceyu y que la CUOTA aprobó la recalificación del suelu tiempu dempués.