Pablo Antón Marín Estrada, premiu Xuan María Acebal de poesía

El premiu de poesía Xuan María Acebal, qu'entrega la Conseyería de Cultura, foi nesta edición 2007 pa Pablo Marín Estrada pol poemariu "Animal Estrañu" que s'impuso a los otros 14 trabayos presentaos al certame. Los 7.000 euros del premiu van asina pa un autor yá consagráu dientro del panorama de les lletres asturianes. Pablo Antón Marín Estrada (Llangréu 1966) estrenóse cola poesía con "Blues del Llaberintu" (1989) y tien escrito obra de narrativa, xéneru nel que s'estrenó con "Xente d'esti mundu y del otru" (1992), En 1997, cola novela "La ciudá encarnada", ganó, "ex aequo" col escritor Antón García, el Premiu Xosefa Xovellanos de novela. Tamién dientro de la narrativa, nel añu 2000 recibió'l premiu "Abril" de narrativa para xente mozo lo que lu convirtió nel primer escritor en consiguir un premiu nacional con una novela escrita n'asturianu.