Presentóse la 45 edición del festival de cine de Xixón

El director del Festival Internacional de Cine de Xixón, José Luis Cienfuegos, presentó ayeri la que va ser la 45 edición del certame, que va celebrase del 22 de payares al 1 d'avientu. Cienfuegos definió'l festival asturianu como una toma del pulsu del cine del momentu nun tiempu de grandes tresformaciones na industria del cine. Ente les novedaes anunciaes ayeri tan l'actuación na gala d'inauguración del músicu James Taylor y la proyección de delles películes en Candás y Llangréu, colo que s'esporta'l festival a otres ciudaes asturianes. Ente los títulos a competición Cienfuegos sorrayó "Juno", de Jason Reitman, Premiu del Públicu en Toronto y Meyor Película nel Festival de Roma, y "Grace is Gone", de James C. Strouse, premiada en Sundance y con John Cusack de protagonista. Ente los ciclos paralelos rescampla'l dedicáu al cine alemán, con cintes de Wim Wenders o Werner Herzog. El programa ya pue descargase