Trevín diz que l'asaltu a un xalé de Xixón presenta "contradicciones" col mou d'operar de bandes especializaes

El Delegaú del Gobiernu n'Asturies, Antonio Trevín, aseguró Que l'asaltu a punta de pistola rexistráu na madrugda del domingu nuna casa de Xove, en Xixón, presenta "singularidaes y elementos contradictorios col 'modus operandi' de les bandes especializaes nesti tipu de delitos nel restu d'España". Sicasí, Trevín afirmó que nun tán en disposición "de confirmar nin desmentir" que se trate d'una banda especializada.

Antonio Trevín, qu'ofreció una rueda de prensa pa dar a conocer los datos de los controles de droga ente los conductores, indicó que tán "ante un delitu inusual n'Asturies", lo que lleva a "poner en tensión l'operativu d'investigación" pa, en primer llugar prevenir posibles nuevos casos d'esti tipu y amás pa esclariar lo ocurrío.

Por ello, Trevín anunció qu'esta tarde convocóse a la Xunta de Seguridá na que van participar Policía Nacional, les dos comandancies de la Guardia Civil --Uviéu y Xixón-- y tamién les Policíes Llocales de dambes ciudaes.

El delegáu del Gobiernu insistió en que'l delitu cometíu en Xixón, anque ye asemeyáu a los cometíos n'otros puntos d'España, como nel casu del Mediterráneu, presenta "singularidaes". Asina, anque aseguró non poder ofrecer más datos pa non perxudicar la investigación, afirmó que los lladrones colaron cola hucha de los neños, dalgo que "nun ye habitual nesti tipu de delitos".

Sobre les informaciones apaecíes na prensa nes que se cuenta que los lladrones garraron a la muyer pa obligala a sacar dineru nos caxeros, Trevín evitó confirmar les mesmes y afirmó que "les informaciones contienen dantos correctos pero tamién munches contradicciones y incorrecciones".

p

er otra parte, la Policía Nacional informó güei de que ya entamó "midíes estraordinaries" pola violencia utilizada nel asaltu, nel que los lladrones algamaron una cantidá indeterminada de dineru n'efectivu, teléfonos móviles y otros oxetos, asina como un vehículu, que pudo ser recuperáu.

Según informaron fontes de la investigación a Europa Press, la Policía ta analizando los posibles acentos de los lladrones pa tratar de determinar la procedencia de los mesmos o averiguar si hasta pudieron ser simulaos, ya que nes primeres declaraciones les víctimes falaron de que había un español y dos sudamericanos ente los atracadores, que diben armaos.

De la mesma manera, les mesmes fontes indicaron qu'hasta la fecha, "nunca se produxeron asaltos a una vivienda con estes característiques, similares a los asaltos nes zones como Levante. Sicasí, destacaron que nesti asaltu hubo uso de la violencia, pero non ensañamientu, polo qu'existía una diferencia cola actuación de determinaes bandes organizaes. Tampoco se relaciona cola ola de robos en xalés na zona periurbana de Xixón, que semó l'alarma ente los vecinos hai más d'un añu.

Al respecto, la Policía decidió entamar midíes estraordinaries, según un voceru oficial de la Comisaría, ya que anque ya existía un protocolu d'actuación, ye necesario estremar estes midíes pola tipoloxía del delitu.