La Caravana pola Oficialidá llega esti sábadu a los conceyos d'Ayer y L.lena

La Caravana, convocada pol Conceyu Abiertu pola Oficialidá, qu'axunta más de 200 organizaciones de toa Asturies, va recorrer dende pela mañana los llugares siguientes: Uxo, Felechosa, Cabanaquinta, Morea, Mieres, La Pola, Campumanes y Carabanzo. La hora de salida ye a les 10:30 de la Escuela La Salle d'Uxo, n'acabando la caravana va facese una espicha en Carabanzo pa depués rematar los actos con un conciertu nel Teatru Vital Aza a les 19h onde van participar: Liseo (gaitiru de Carabanzo), Pingüínos Asesinos, Adizión Etílika y Fala non Caduca, toos ellos grupos del conceyu de L.lena.

El CAO pretende averar a los conceyos la llingua asturiana y la necesidá de qu'esista un marcu llegal pa la llingua asturiana como ye la oficialidá na prosima reforma estatutaria. Nesti sentíu, la caravana ye un actu más colos que'l Conceyu Abiertu pola Oficialidá quier animar a la xente a que participe na prósima manifestación pola oficialidá de la llingua asturiana que se va facer el 24 de payares a les 18h n'Uviéu. La manifestación cuenta con 6 marches a pie dende distintes zones d'Asturies (Xixón, Caudal, Nalón, Avilés, Trubia, Siero), que van xuntase na Estación de la Renfe d'onde va salir la menifestación.

Semeya: 
La Caravana pola Oficialidá llega esti sábadu a los conceyos d'Ayer y L.lena
Contador Estadistiques