Carmen Guardado presenta'l so poemariu “Nordés” en Valdés

La escritora Carmen Guardado Parga (L.luarca, 1961) presenta estos díes la so estrena lliteraria, que llega col poemariu "Nordés", obra que-y valió'l primer premiu nel certame valdesán de poesía "Fernán Coronas" na edición del añu pasáu, destacando'l xuráu daquella l'usu adecuáu de la fala del llugar nos poemes de l'autora. Ello ye que'l llibru va presentase esti sábadu 3 de payares na sede social de l'asociación cultural "La Regalina", asitiada na casa del Padre Galo, el marcu, ensin dulda, más afayadizu pa una presentación d'estes característiques.

Carmen Guardado ye diplomada en Maxisteriu y profesora d'asturianu p'adultos. Anque entamó escribiendo poesía en castellanu, dende va unos alterna obra nes dos llingües. Forma parte de l'Asociación de Poetes Valdesanos y tien espublizaos dellos poemes na "Antoloxía poética de Valdés".