Estrénase nel festival de cine de Valladolid un curtiu sobre la fuelga del 62

La 52 Selmana Internacional de Cine de Valladolid va vivir esti

miércoles 31 d'ochobre la estrena de "A golpe de tacón" un curtiu basáu nel papel de les muyeres na fuelga minera de 1962 al traviés de la vivencia d'Anita Sirgo y Constantina Pérez, dos lluchadores antifranquistes deteníes y torturaes na fuelga de 1962, sucesos que tuvieron gran repercusión internacional.

La cinta, que dirixe Amanda Castro y que tien de protagonistes a los intérpretes Cristina Marcos, Ponce de León, Fernando Andina y Luis Callejo, axunta historia y ficción pa desarrollar un relatu basáu en fechos reales y respetando la realidá de los fechos, según esplica nun comunicáu la Fundación Juan Muñiz Zapico, que foi una de les entidaes collaboradores cola cinta xunto cola Secretaría de la Muyer de CC.OO. d'Asturies, la Federación Minerometalúrxica de CC.OO. de Asturias y la Federación de Pensionistes y Xubilaos de CC.OO. amás del Ministeriu de Cultura, l'Institutu de la Muyer, la Conseyería de Cultura, la Fundación Rosa Luxemburgo y dellos ayuntamientos asturianos.