El númberu de visitantes nos museos asturianos perpasó'l mediu millón

"Nuna nota de prensa espublizada pola Conseyería de Cultura y Turismu del Principáu d'Asturies, faise cuentes del númberu de persones que visitaron, a lo llargo l'añu pasáu, los museos y centros culturales asturianos. Un total de 519.360 persones que supondríen una suba del 35 por cientu respeuto al añu pasáu.

La conseyera de Cultura y Turismu d'Asturies, Encarna Rodríguez Cañas, espresó la so satisfaición polos resultaos: ""El fechu de qu'Asturies tenga dos nuevos equipamientos culturales yá ye un motivu de contentu; amás, tanto'l Centru d'arte de la Llaboral como'l Parque de la Prehistoria tuvieron perbonos resultaos de públicu asturianu y de fuera, lo qu'amuesa que la nuestra política cultural y turística sigue per bon camín"" sorrayó la conseyera. Per otru llau, museos yá conocíos como'l de la Minería o'l de Belles Artes meyoraron les cifres de visitantes del añu pasáu. Sicasí'l muséu más visitáu del 2007 siguió siendo'l MUJA (Muséu Xurásicu d'Asturies) con 152.396 visites."