Morrió un mineru nel pozu Candín

Un mineru de 44 años, natural de Les Felochoses (Samartín del Rei Aurelio) y vecín de Xixón, morrió ayeri nel so puestu de trabayu, nel pozu Candín d'Hunosa, asitiáu nel conceyu de Llangréu.
Según informaron fontes de la empresa la causa de la muerte, según les primeres hipótesis, pudo ser la inhalación de gas. L'home taba na planta octava del pozu cuando morrió. Tenía dos fíes.

L'accidente prodúxose sobre la 1.15 hores. El fináu trabayaba de postiador y tenía 20 años d'antigüedá na empresa. Previamente trabayara en Mines de Lieres. El cadabre foi treslladáu al Hospital Central d'Uviéu. El secretariu Xeneral de la Federación Minerometalúrxica de Comisiones Obreras, Maximino García, declaró en sabiendo de l'accidente que "pudo evitase"