Dark La Eme presenta "Underprau"

"El raperu asturianu Mario Fueyo, más conocíu pol nomatu de ""Dark La Eme"", acaba presentar el so quintu discu, ""Underprau"", nel que xunta otra vuelta'l hip hop con estilos como'l folk o'l reggae. Fueyo presentó'l so tercer discu nuna rueda prensa na que taba tamién Xune Elipe, vocalista de Dixebra, grupu col que collabora anguaño na ellaboración d'un nuevu discu. ""Abúltame que ye'l meyor álbum de los que tengo fechos y cuento con que la xente lu valore asina"", esplicó'l músicu.

Nel planu musical faló de les bases de folk del discu, resultáu de les collaboraciones con grupos asturianos como ""La Bandina"" y ""Tuenda"", pero tamién otros estilos como'l reggae, nel tema ""Mil Euros"" o los soníos caribeños en ""La Dama blanca"". Nesti casu Fueyo cuntó coles aportaciones del cantante y compositor uvieín Pablo Moro, los grupos 'Arma X' y 'Cuac' y el cantante asturianu especializáu en música cubana Jacobo Cano.
Un total d'once temes que cuenta presentar na sala Albéniz de Xixón nel mes de marzu."