El PSOE d'Uviéu critica'l "conservadorismu"

"El grupu municipal socialista nel Ayuntamientu uvieín acusó al equipu de gobiernu de sofitar la ""escalada de conservadurismu"" nes fiestes, amosada sobre manera col recorte nel presupuestu del antroxu. El PSOE espresó na xunta de gobiernu de la Sociedá Ovetense de Festejos (SOF), el so "" refugu total y absolutu, asina como'l disgustu, pol incomprensible y bruscu recorte que l'equipu de gobiernu-y dio al antroxu d'Uviéu""

Dende'l puntu de vista socialista, cola eliminación de los pasacais y de les actuaciones, l'equipu de Gabino de Lorenzo ""da un pasu más na escalada de liquidación de fiestes populares recomendada pol Alcalde, Gabino de Lorenzo, al conceyal de Cultura, José Suárez Arias-Cachero"". Pal PSOE, l'edil de Cultura ""nun ye más que l'obediente executor de los planes d'un alcalde pal que namás cuenten los gustos personales y particulares y non les preferencies de la ciudadanía"".

Los socialistes manifestáronse ablucaos - según dixeron con ironía - pol corte nel antroxu, faciendo casu a ""el gustu notoriu que tien l'alcalde por mazcarase davezu y protagonizar sainetes ensin gustu nin inxeniu dalu""."