La Xunta refuga la construcción del embalse de Caliao colos votos del PP y IU-BA-LV

La Xunta Xeneral del Principáu aprobó ayeri, na última xornada del Debate d'Orientación Política, una propuesta de resolución na que se propón treslladar al Gobiernu central la negativa del Parlamentu asturianu a la construcción del embalse de Caliao (Casu), por consideralu "innecesriu, inapropiáu, y obsoletu nel marcu de la nueva cultura de xestión del agua impulsada pola Directiva marcu del Agua". La propuesta salió alantre colos apoyos d'IX-BA-LV y del PP, y los votos a la escontra de los diputaos socialistes. En total 40 de les 82 proposiciones que se presentaron llograron el preste de la cámara.

La del embalse de Caliao foi una de les pricipales propuestes de resolución presentaes pola coalición IX-BA-LV. Noemí Martín, encargada de defender les 18 propuetes de resolución de la so agrupación, insistió na necesidá de que'l Parlamentu se pronuncie sobre esti asuntu, porque al so xuiciu y a pesar de que los estudios tán por finar, la Conseyería ya aseguró que nun hai alternativa meyor al embalse.


Martín espresó la so confianza en que'l so grupu pueda esplicar qu'hai otres alternatives, nes que "paez que se coincide col Ministeriu de Mediu Ambiente".
"Dende Asturies consideramos que l'oxetivu claru ye garantizar l'abastecimientu y qu'hai munches otres alternatvies, y na resolución plantegamos delles que son de sobra conocíes", dixo Noemí Martín, qu'insistió nel entamu de la denominada 'cultura del agua' publicitada pol Ministeriu pero que "a Asturies nun llega".
Na so propuesta, la coalición recoyó dalgunes alternatives al embalse como midíes de promoción y aforru del agua, la meyora de les redes de distribución, la implantación de tarifes por tramu o l'estudiu minuciosu de les posibilidaes d'acopiu y calidá de les agües soterrañes, ente otres.


Na so intervención y xustificación de votos, la diputada del PP Ana Barrientos recordó que'l Plan Hidráulicu ta pendiente dende hai años. "Mientres nun mos demuestren por qué nun hai otra alternativa vamos tener que facer un actu de fé", dixo Barrientos.
Esta propuesta nun contó col apoyu del grupu parlamentariu socialista, que manifestó, al traviés del so diputáu del PSOE, Álvaro Álvarez, que la propueta de resolución ye "imprudente" ya que "lu descalifica dafechu".
Al xuiciu del PSOE ye difícil llegar a esa conclusión "tan radical" y agora mesmu nun hai razones pa la mesma. Álvarez dixo amás tar "sorprendíu" pol apoyu del PP a esa propuesta, señalando "falta de conocimientu de la mesma", polo que calificó esa decisión de "irresponsable". La Xunta Xeneral del Principáu aprobó ayeri, na última xornada del Debate d'Orientación Política, una propuesta de resolución na que se propón treslladar al Gobiernu central la negativa del Parlamentu asturianu a la construcción del embalse de Caliao (Casu), por consideralu "innecesriu, inapropiáu, y obsoletu nel marcu de la nueva cultura de xestión del agua impulsada pola Directiva marcu del Agua". La propuesta salió alantre colos apoyos d'IX-BA-LV y del PP, y los votos a la escontra de los diputaos socialistes.