El Principáu va sancionar a ArcelorMittal pol vertíu en La Ría d'Avilés

"La Conseyería de Mediu Ambiente y Desarrollu Rural, de la que ye responsable Belén Fernández, remitió yá l'espediente sancionador escontra la empresa Arcelor Mittal España S.A. pol vertíu d'hidrocarburu a La Ría d'Avilés, el pasáu 20 de payares.

Según informaron fontes del Principáu pente medies d'una nota de prensa, la resolución de la conseyería considera que los fechos probaos constitúin una infraición alministrativa de la Ley de Costas calificada como ""grave"". Asina, la sanción suma 327.240'07 euros, de los que 200.337 correspuenden a la multa, 28.747'07 en conceutu d'indemnización de daños y perxuicios; y 98.156'80 polos costes de llimpieza del pedreru y el sable.

Anque la empresa tien diez díes pa presentar les alegaciones, yá tien informao de la so intención de recurrir la sanción, por nun considerase responsables del vertíu."