La Selmana de Cine de Valladolid selecciona un curtiu asturianu

La cinta"A golpe de tacón", de la productora asturiana "Por tantas cosas", y que dirixe Amanda Castro, ye ún de los seleccionaos pa participar na 52 Selmana Internacional de Cine de Valladolid que va celebrase del 26 d'ochobre al 3 de payares dientro de la sección "la nueche del curtiu español" na que se pasen los 5 títulos más importantes del añu pol so valor temáticu o d'estilu. Con guión de Pedro Alberto Marcos, el curtiu recupera la represión de la dictadura franquista sobre los mineros asturianos nos años sesenta, atendiendo al protagonismu de les muyeres nel procesu de reivindicaciones obreres que punxeron a Asturies nos medios de comunicación de toa Europa y que

El repartu del curtiu inclúi a Cristina Marcos, Lola Herrera, Belén Ponce de León, Fernando Andina y l'actor llangreanu Fran Sariego, y nelli collaboraron otros profesionales asturianos del mundu del cine, ente ellos Luis San Narciso na dirección del casting, María José Iglesias nel vestuariu, la productora Teresa Fernández Cuesta, el montador de soníu Pelayo Gutiérrez, l'adaptador Sergio Guardado y el cantante Víctor Manuel, que punxo un tema musical pa la banda sonora. El curtiu, en pasando pela Seminci, va participar en dellos festivales nacionales y internacionales.