Suatea pide que los escolinos d'asturianu puedan tamién deprender llingua de signos

"El sindicatu asturianu de trabayadores de la enseñanza, SUATEA, emitió un comunicáu nel que critica la competencia d'horariu que se ta dando ente les asignatures de Llingua de Signos y Llingua Asturiana, de manera que los escolinos d'asturianu nun tendríen la posibilidá de deprender dicha llingua.

Dende'l sindicatu aplauden ""la idega del Colexu ""Río Piles"" ante la iniciativa de deprender a los neños y neñes la Llingua de Signos"", considerando tan interesante la propuesta que proponen ampliala a toles estayes educatives. Sicasí recuérden-y a l'alministración asturiana que ""tien que dar la oportunidá a toos/es de deprender toles llingües"", sorrayando amás que ""l'asignatura d'asturianu sí tien conteníos curriculares en primaria"", polo que proponen treslladar la nueva asignatura al espaciu de l'alternativa a la relixón, materia ensin conteníos curriculares na Educación Primaria."