L'espaciu d'Asturies en FITUR va tener forma de gota d'agua

"Asturies va tener esti añu un stand de 860 metros cuadraos en forma de gota d'agua na Feria Internacional de Turismu de Madrid (FITUR), que va celebrase del 30 de xineru al 3 de febreru. Según esplicó la direutora xeneral de Turismu, Elisa Llaneza, l'espaciu d'Asturies en FITUR fai alcordanza de la ""importancia"" y ""bayura"" d'esti elementu n'Asturies. Pela contra, el plantegamientu d'espaciu choca coles polémiques que sobre xestión d'agua facíen coleutivos contrarios a obres como les del Banzáu de Caliao.

La direutora xeneral de Turismu sorrayó que l'espaciu d'Asturies en FITUR tien elementos ""d'anovación"" y al tiempu ""mui arriesgaos"". ""Consiguimos un resultáu mui equilibráu dende'l puntu de vista estéticu"", dixo Llaneza. Pa la conseyera de Cultura y Turismu del Principáu, Encarnación Rodríguez Cañas, el stand d'Asturies amiesta tolo que representa Asturies. ""Ye una narración de tolo que somos y queremos ser"", apuntó la conseyera."