La Estaya de la Llingua d'Avilés ufierta un cursu d'asturianu

"L'Ayuntamientu d'Avilés abre'l llunes el plazu p'apuntase nel cursu de llingua asturiana p'adultos, nun nivel básicu, qu'organiza'l serviciu de normalización d'esti conceyu. El llargor del cursu va ser de trenta hores repartíes ente'l 14 y el 28 de marzu n'horariu de 19.30 a 21.00 hores los llunes, miércoles y xueves.

Les clases van desarrollase nel Palaciu de Valdecarzana, según informó l'Ayuntamientu pente medies d'una nota de prensa. Les inscripciones puen facese nes oficines de la Estaya de la Llingua, per teléfonu llamando a la Estaya de Cultura (985 51 02 35) o a la propia Estaya de la Llingua (663 820 132). Tamién nel corréu electrónicu: estayallingua@ayto-aviles.es."