Maria Antonia Pedregal Montes ye la nueva xefa de la Oficina de Política Llingüística

En declaraciones al diariu
La Voz
de Asturias, la nueva Conseyera de Cultura, Encarnación
Rodríguez, dio anuncia que la nueva xefe de la
Oficina de Política
Llingüística del gobiernu asturianu va ser Maria Antonia
Pedregal Montes. La sustituta de Ramón d'Andrés ye historiadora y
profesora de secundaria y tien publicao dellos artículos nel
boletín de l'Academia de
la Llingua "Lletres Asturianes" y na colección de
"Toponimia", amas de trabayos en revistes especilizaes n'Historia
Medieval.

D'esti mou, Pedregal Montes sustitui a Ramón d'Andrés al
frente de la Oficina de Política Llingüística depués
de qu'esti renunciare a continuar nella nesta llexislatura. Per otru llau la
nueva Conseyera afirmó que se va aprobar "el segundu plan de
normalización del asturianu" , añadiendo que
"siguiremos eses línees d'actuación, el fomentu del usu del
asturianu y del gallego-asturiano nel so ámbitu territorial",
poniendo como exmeplu que "el folletu del Día d'Asturies, que se va
celebrar en Navia, editaráse en castellanu y gallego-asturiano".