Cuatro muertos nun atentáu en Beirut

"Les fuerces de seguridá libaneses arrestaron yá a dellos sospechosos del atentáu nun barriu cristianu de Beirut qu'esta mañana mató a cuatro persones, ente elles tres miembros de les Fuerces de Seguridá Interior, cuntando al capitán Wissam Eid, un altu mandu de los servicios d'intelixencia, según informaron les autoridaes.

Ente los arrestaos hai un home llevaba un traxe de Proteición Civil, según sorraya'l diariu local ""Naharet"", qu'afirma que les detenciones tuvieron llugar unos minutos dempués de la esplosión, causada, según les primeres investigaciones, por un coche bomba.

Paez ser que'l capitán Eid yera un oficial averáu al cabezaleru de la corriente ""Futuru"", Saad Hariri, mayoritaria nel parlamentu libanés. Hariri ye fíu del ex primer ministru asesináu Rafik Hariri y asumió'l puestu dempués de que l'anterior primer ministru, Samir Shehadeh, saliera l'añu pasáu con graves mancadures de la esplosión d'una bomba nuna carretera asitiada al sur de Beirut."