Conciertos pa tolos públicos

"Música de tolos palos nesti vienres ye lo que manda na nuestra guía d'ociu. El músicu folk americanu asitiáu n'Asturies Michael Lee Wolfe va cantar a l'alcordanza del padre del xéneru folk y la canción protesta, Woody Guthrie. Ello va ser na casa la cultura de Mieres dende les 7. A la mesma hora, pero en Villa (Llangréu) entama'l festival Villacore 08, dedicáu al soníu hardcore y que va contar coles actuaciones de Kloakao, One Last World, Merciless, Gomeru, I killed myself, Sailor Dolls y Fall down Empire. Yá de nueche y en Xixón, el pop y les versiones d'U2 y Franz Ferdinand con The Electric Co. nel Café Lombok dende les 22:45h. Pa pesllar la nueche, el rock de Rafa Kas y The Tuscany Valley Experience dende les 12 y media na Sala Savoy. Más propuestes na nuestra axenda d'ociu"