Cuatro deteníos pol fueu del teatru de Sama

La Policía Nacional detuvo ayeri a cuatro persones , trés menores y un xoven de 20 años, como presuntos autores del incendiu del Teatru de Llangréu, asocedíu la otra selmana. Dos de los deteníos tienen antecedentes policiales. Dende qu'ocurriere l'incendiu nel Teatru Llangréu de Sama na madrugada del 8 d'agostu, miembros de la Policía Científica de la Xefatura Superior de Policía d'Asturies fueron al llugar al oxetu de desarrollar la siguiente inspección ocular.

Una vez nel escenariu del incendiu, los especialistes n'investigación d'incendios de Policía Científica de la Xefatura Superior de Policía d'Asturies, venceyaos a la Comisaría de Xixón, procedieron a llimpiar parcialmente la zona siniestrada.

Dempués fízose una inspección ocular en fondura, centrada na zona de más afectación pa tentar de determinar l'orixe del fueu.

Esti equipu multidisciplinar d'investigación d'incendios, formaos por miembros de la Policía Científica y pol Grupu Xudicial de la Comisaría de Llangréu, tres analizar toles pruebes algamaes, confirmó que'l fueu fuera intencionáu.

Dos de los menores tán en llibertá baxo tutela de los padre y los otros dos deteníos tan nes dependencies de la Comisaría del Cuerpu Nacional de Policía de Llangréu.