Más de 7.000 asturianos yá solicitaron acoyese a la Llei de Dependencia

El Gobiernu asturianu yá tien enriba de la mesa cerca de 7.000 solicitúes de persones qu'aspiren a beneficiase de la Llei de Dependencia, según esplicó na Feria de Muestres de Xixón la Conseyera de Bienestar Social, Pilar Rodríguez.

El total de solicitúes presentaes ye 7.000, de les que yá se lleven analizaes derca de 1939. D'estes cerca del 68% mes correspuenden al nivel 3 de dependencia, el más altu que reconoz la llei.

La Conseyera esplicó que nel so departamentu cuenten con que pal mes de setiembre yá tea funcionando l'organismu que decida sobre les solicitúes, dalgo no que yá trabaya la secretaría técnica de la Conseyería. La Conseyera planteó la integración social de los beneficiarios de la llei y que les persones que reciban ayuda interactúen col restu de la sociedá como dos persectives que tamién van aplicase a la hora de poner en práctica la llei no que calificó como una llexislatura na qu'Asturies va dotase d'un sistema de protección social asemeyáu al educativu o al sanitariu que yá tien.