Estrenes de la selmana

Namás que dos estrenes lleguen a les pantalles del nuesu país
esta selmana, anque caún d'ellos dirixíu a un públicu mui
diferente. D'esti mou estrénase nes pantalles asturianes la
película d'animación "Ratatouille", fecha polos
estudios Pixar, creadores de "Buscando a Nemo" y "Los
Increibles", y en collaboración con Disney. Nella cuéntase
la historia d'una rata que-y presta pola vida la cocina y suaña con
convertise nun gran chef parisinu. Por eso anda rabilando pente les cocines
hasta que topa con Auguste Gusteau, un cocineru d'un famosu restaurante de la
capital francesa.


La otra estrena de la selmana ye "Planet terror",
última producción del director mexicanu Robert Rodríguez
-creador de películes como "El mexicano", "Spy kids"
o "Sin City". Nesta ocasión l'acción asitia nun pueblu
onde los sos habitantes sufren una enfermedá que los fai peragresivos. A
esi llugar llega una pareya interpretada por Rose McGowan y Freddy
Rodríguez que tendrá d'enfrentase a ellos emplegando muncha
violencia. Les estrenes de la selmana y tolos horarios pueden consultase na
nuesa cartelera.