Confirmáu’l nomamientu de Consuelo Vega al frente de la Dirección Xeneral de Promoción Cultural y Política llingüística

El Conseyu de Gobiernu d'Asturies procedió ayeri al nomamientu de los cargos de les conseyeríes de Cultura, Alministraciones Públiques, Educación y Ciencia, Cultura y Turismu, Bienestar Social, Salú, Infraestructures, Política Territorial y Vivienda y Mediu Ambiente y Desarrollu Rural. Ente los cargos que se nomaron ayeri rescampla'l de Consuelo Vega, que va suceder a Carlos Madera al frente de la Dirección Xeneral de Promoción Cultural y Política llingüística. Sicasí, el llistáu de cargos asoleyáu ayeri, que cubre tolos puestos de les conseyeríes que yá tienen los sos organigrames definíos, entovía nun despeya la incógnita sobre'l puestu de director de la Oficina de Política Llingüística, subordináu al cargu de Vega y encargáu específicu de les polítiques de promoción del asturianu.

Ensayista en llingua asturiana, Consuelo Vega trabayaba hasta agora nel Institutu d'Alministración Pública Adolfo Posada. Ente les sos obres tán "Cera frío"qu'algamó'l premiu Llorienzu Novo Mier y l'ensayu "Del centru a la periferia" que firma xunto col director d'Ediciones Trabe, Antón García. Ente la so obra más recién ta l'antoloxía de monólogos escritos por muyeres "Ente muyeres" mientres que dende va dellos meses dirixe y presenta na Radio del Principáu d'Asturies l'espaciu de cultura y actualidá "Paraísu natural". La posibilidá de que fuere ella la nueva

Directora Xeneral de Promoción Cultural y Política llingüística adelantárala la selmana pasada'l diariu "La Nueva España".