FADE declara que la supresión de drechos d'emisión de CO2 pue dañar a empreses asturianes

"El presidente de la Federación Asturiana d'Empresarios (FADE) y de la Cámara d'Uviéu, Severino García Vigón, espresó güei la so preocupación pol plan de la Comisión Europea escontra'l cambiu climáticu que cuenta con suprimir los drechos de d'emisión de CO2 que hasta esti momentu yeren de baldre y a partir d'esti momentu les empresesmercarán al traviés d'un sistema de puya.

Pa Vigón, esta midida constitúi un nuevu factor que ""pue afeutar a la llibre competencia ente la industria europea y la del restu del mundu"". Dende'l so puntu de vista, esta midida pue tener ""pue incidir sobre manera nes actividaes industriales con instalaciones importantes n'Asturies"".

García Vigón fizo estes manifestaciones enantes del entamu d'una xornada informativa sobre la Llei de responsabilidá mediuambiental organizada pola Cámara de Comerciu d'Uviéu, na que tamién participaron Juan José Nava, presidente de la comisión de mediu ambiente de CEOE, Joaquín de la Riva, fiscal del Tribunal Superior de Xusticia d'Asturies, y Martín Silván, direutor de mediu ambiente de la Cámara de Comerciu de Cantabria."