UNIDÁ súmase a les crítiques al Curriculum d'Infantil

"Nun comunicáu de prensa, la coalición nacionalista critica'l tratu que la Conseyería d'Educación-y da al asturianu na redaición del Curriculum d'Educación Infantil, llingua qu'apaez en ""delles referencies esllabazaes ya imprecises que pa nada dignifiquen l'usu del Asturianu""

Unidá denuncia amás l'incumplimientu del artículu 4 del Estatutu d'autonomía y de la Llei d'Usu y Promoción del Asturianu, sobre manera onde se diz que l'asturianu tien de tar presente en toles estayes del Sistema Educativu. No que cinca a la estaya d'Educación Infantil, UNIDÁ camienta que la redaición del testu amuesa un ""desconocimientu de la realidá sociollingüística, al ignorar que l'Asturianu ye l'idioma familiar de munches escolines y escolinos asturianos, lo qu'apareya una torga más pal deprendimientu d'otres llingües""."