Asociaciones y coleutivos asturianos respuenden a "la ofensiva antiabortista"

"Asociaciones y coleutivos asturianos piensen entamar, nos prósimos díes, una campaña escontra de los que camienten una ""ofensiva antiabortista"" no relativo a les inspeiciones que se tán faciendo en delles clíniques y a les posiciones ""más retrógades del catolicismu y la drecha política"".

Según informaron al traviés d'un comunicáu, estos coleutivos quieren sumase a les campañes, entamaes n'otres comunidaes, de ""autoinculpación"" nos xulgaos. Tamién cuenten con convocar, pal mes de febreru, un ""actu públicu"" qu'amuese ""la necesidá de cambiar la llei del abortu y camudala nun drechu de les muyeres asumíu pola sanidá pública"".
Ente los coleutivos que roblen esti comunicáu hai delles asociaciones feministes, partíos políticos, sindicatos, organizaciones non gubernamentales y clíniques nes que se fai interrupción voluntaria del embarazu."